كيف تحمى طفلك من التحرش الجنسى

كيف تحمى طفلك من التحرش الجنسى

الثلاثاء 28-01-2014

 

كيف تحمى طفلك من التحرش الجنسى :
بقلم : منى جابر
اخصائية طفولة مبكرة و ارشاد اسرى

عادة بنبتدى نعلم اولادنا اذى يحموا نفسهم من التعرض للتحرش الجنسى فى عمر السنة و نصف و ممكن قبل كدة . . و لكن دا بيكون من خلال مساعدتهم انهم يكونوا شخصيات ايجابية من صغرهم و يكون عندهم مهارات كثير تقويهم و تساعدهم على التعامل مع المواقف المختلفة و طبعاً كل مرحلة عمرية بيكون ليها طريقة فى توصيل المعلومة تختلف باختلاف السن .

و من اهم الطرق التى قد يستخدمها  الوالدين فى تدريب الطفل و حماية من التحرش الجنسى :

اولاً :
علمى ابنك / بنتك ان جسمه دى خاص بيه هو و بس ،  يعنى ماينفعش حد يلمسه او يمسكه بطريقة مش كويسه و فى تدريبات كثير عن اللمسه الحلوة و اللمسه الوحشة  بنبتدى ندربهم عليه من سن سنتين و نص  الى 5 سنوات ، بتكون من خلال اللعب و عن طريقها بتوصل للطفل المعلومة من غير ما يشعر بتهديد او خوف و يفض ان نبتدى مثل هذة التدريبات فى مرحلة مبكرة من العمر . لكن لما الطفل بيكبر بنكون محتاجين نوسع مفهوم الخصوصية شوية عن طريق مثلاً انه يعرف انه لازم لما يدخل الحمام يقفل الباب او انه لما يلبس هدومة محتاجة يلبس فى حجرته و برضه يكون الباب مقفول لكن الاهم نكون احنا قدوة ليهم لان لو احنا كأباء معندناش خصوصية اولادنا مش هيتعلموا معنى الخصوصية .

ثانياً :

اهتمى بتزويد ابنك / بنتك بمهارات شخصية و حياتية  لان الطفل القوى يصعب انه يتعرض للتحرش و فى الغالب بيكون ضحية التحرش هو الطفل الضعيف او الطفل المحروم من الحب و الحنان و الاهتمام و اللى فى الغالب بيلاقيه عند المتحرش .

ثالثاً :

اتعودى انك تستمعى لأبنك / بنتك لانه لو متعود/ة انك تسمعيه مش هيخاف و هيحكيلك اى حاجة بتحصل معاه .

رابعاً :

لو حصل انه حكى عن موقف فيه تحرش او شبه تحرش اسمعيه للأخر ، اهم حاجة تحافظى على تعبيرات وشك لانه لو حس انك اتخضيتى او خايفة هو هيترعب و هيحس بالذنب و انه السبب فى اللى حصل له ، عشان كده اسمعيه كويس و شجعية و اشكرية انه جه و حكى و عارفيه انك هتجيبيله حقه و انه مغلطش فى حاجة و ان اللى عمل معاه كده لازم يأخد جزائه لان مش من حقه يتعدى عليه .

خامساً :

خليها عادة انكم تتكلموا مع بعض عنه و عنك و عن احلامه و مستقبله و دايماً زودية بمعلومات لان دا بيساعده على التفكير بشكل افضل و بيكون واثق من نفسه أكثر .

سادساً :

عرفى ابنك ايه هى التصرفات المسموح بيها مع الغرباء و ما هى التصرفات الغير مسموح بيها و لازم توضحى السبب فى انك بترفضى تصرف معين.

 

0 ردود

اترك رداً

Want to join the discussion?
Feel free to contribute!

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *