أنا سيدة أبلغ من العمر 24 سنة متزوجة وعندي ولدان، أصبت بحركة مفاجئة في عيني اليمنى منذ 12 سنة (رفّة عين يعنى) ودُخت على الأطباء، قيل أنها توتر، وإنها ممكن تكون اكتئاب مقنع، وممكن وممكن، رحت لدكاترة العيون والأعصاب، ماخلّتش. ولم تكن هناك فائدة وبعد 6 جلسات مع د.خليل (الاسترخاء الذهني والجسدي، البوح،الإرشاد الزواجي ـ زوجي كان بييجي معايا دايماً) وبعدين الدكتور خليل كتب لي على دواء معين، خفيت بنسبة 70 % والآن بنسبة 95% . أنا لا أصدق نفسي، لا أصدق أن يحدث هذا بعد 12 سنة بحالها أعتقد أنه كل حاجة مع بعضها فادت، دعم الدكتور، الإرشاد الزوجي، الغوص في أعماق نفسي، وكذلك وصفة لدواء معين، حيث عرفت أن التشخيص ووصف الدواء من وليس مجرد دواء معين معروف لحالة معينة . أحمد الله وأشكرد. خليل.

• أنا عندي 25 سنة مكتوب كتابي وعلى وش جواز، فجأة أصبت بما يسمي الوسواس القهري، فعلاً فكرة تسلطية قهرية مدمرة عارفة إنها غلط لكنها لم تتركز ممزوجة بالخوف من الإصابة بمرض معدي، تحديداً، الالتهاب الكبدي الوبائي فيروس C، أو الإيدز ... أعوذ بالله، وانتقلت الفكرة المتسلطة منى إلى خطيبي، خفت وهو عند (الحلاق) أن يصيبه مكروه، عدوي، تلوث، إصابة، ساعات باحس أنني سأجُن، لكن بعد ثلاثة أشهر من الجلسات، أحسست باني أحسن وأفضل، فضيت اللي في قلبي وتكنيكات الدكتور (طرقه العلاجية كانت غير مباشرة لكن أصابت الهدف، أنا الآن حامل بعد زواجي وخالية من الأعراض والحمد لله. 
•  
• أنا بنت جامعية عمري 21سنة، حضرت إلى العيادة منذ بضعة اشهر، ماما عصبية جداً وبتزعق فيّ على طول، باشتكى من آلام في جسمي كله، وساعات في منطقة محددة منه ويبقي ألم جامد قوي، وكمان عندي حساسية كذلك باشتكي من خوف غير عادي من الحيوانات. الدكتور قرر يعالجنى بالاسترخاء الذهنى والجسدي، وناقش معايا ظروف حياتى كلها، علمني ثلاث كلمات إنجليزي تبدأ بحرف الـ C هدوء النفس والجسم – Calmness ، الثقة بالنفس – Confidence، الشجاعة والأقدام – Courage  - عملتهم شعاري وعشت معاهم وعاشوا معايا وطبقتهم وتفاعلت معاهم في كل أوجه حياتي. ماقدرش أقول خفيت على طول لكن كنت باتقدم. كمان الجلسات كان فيها جهاز اسمه Mindlab وده عبارة عن نظارة تثبت نبضات ضوئية وسماعة Headphones تبث نبضات صوتية علاجية بعضها أسمه Audio Strobe ، كنت لما باسمعها باحس باسترخاء وراحة شديدة قوي، الدكتور قال لي أنها بترتب موجات المخ باستلقي على (الشيزلونج) والجهاز متحكم بالكمبيوتر وبأخذ جلسة مرتين أسبوعياً. أنا دلوقتى أحسن 90% الحمد لله كمان الدكتور سجل لي شريط عليه تمرينات لترميم وتقوية الأنا (الذات) باسمعه في البيت الحمد لله.